ஒட்டிப்பிறந்த இரட்டையர்கள் (Conjoined twins 'Abby & Brittany)

Abigail and Brittany ஒட்டிப்பிறந்த இரட்டையர்கள். இவர்களுடைய வயது 22. இவர்கள் வைத்தியர்களின் எதிர்வுகூறல்களை பிழையாக்கியதுடன் தமது குழந்தைப் பருவம் முதல் தற்போது வரை தம்மைத்தாமே திறம்படுத்தயுள்ளனர். இவர்கள் கழுத்துக்கு அண்மித்த பகுதியில் ஒரு உடம்பில் இருதலைகளுடன் பகிர்ந்துள்ளனர். இவர்கள் தற்போது தமது பட்டப் படிப்பை முடித்து விட்டு வேலை தேடிக்கொண்டு உள்ளனர். இவர்கள் முதன் முறையாக 1996 ஆம் ஆண்டு The Oprah Winfrey Show இன் மூலமாகவும் Life Magazine இனது முகப்பு அட்டையில் வெளியிட்டமையாலும் உலகிற்கு அறியப்பட்டார்கள்.

அதன் பின்னர் அவர்கள் தமது வாழ்க்கையை Minnesota என்ற இடத்தில் அமைதியாக, ஊடகங்களின் கண்ணில்படாமல் 16 வயது வரை வாழ்ந்தனர். பின்னர் TLC என்ற நிறுவனம் அவர்களை மையப்படுத்தி ஆவணப்படம் தயாரிக்க, அனுமதித்தனர் இருவரும். அந்த நிகழ்ச்சிக்கு சூட்டப்பட்ட பெயரே 'Abby & Brittany'.

 அமெரிக்காவிலுள்ள Minnesota எனும் இடத்தில் 1990 பங்குனி 7 ஆம் நாள் இவர்கள் பிறந்தனர். அப்போது மருத்தவர்கள் குழந்தைகளின் தாயான Patty யும் (பதிவு செய்த ஒரு மருத்துவத் தாதி) Mike யும் (ஒரு தச்சுத் தொழிலாளி) எச்சரித்திருந்தனர், குழந்தைகள் குறித்து. ஆனால் மருத்தவர்கள் சொன்னவை தவறாகும் வண்ணம் இரு குழந்தைகளும் நலமாக வாழ்ந்து கொண்டிருக்கின்றனர். இவ்விணைஇரட்டையர்கள் வாகனம் செலுத்துவதட்குரிய அனுமதி பத்திரத்தைக் கூட தமது 16 ஆவது வயதில் பெற்றனர். அவர்கள் தமது ஒவ்வொரு கையாளும் வாகனத்தை செலுத்துகின்றனர்.

இவர்கள்

Ø  இரண்டு முதுகெலும்பு

Ø  இரண்டு இருதயம்

Ø  இரண்டு வயிறு

Ø  மூன்று சிறுநீரகங்கள்

Ø  நான்கு நுரையீரல்

Ø  ஒரு கல்லீரல்

Ø  பொதுவான குருதிச் சுற்றோட்டத் தொகுதி மற்றும் இரண்டு உணர் நரம்புகளைக் கொண்டுள்ளனர்.

 இவர்கள் மற்றைய இரட்டையர்கள் போன்றே ஒருவரிடமிருந்து ஒருவர் வித்தியாசமான நடத்தைகளுடயவர்களாக காணப்பட்டனர். Abigail சற்று கோபக்காரியாகவும் பிடிவாதமனவளாயும் காணப்பட்டதுடன் Orange Juice இனை விரும்பி காலை உணவுடன் அருந்துபவர் ஆகவும், Brittany நகைச்சுவையாக இருப்பதுடன் எப்போதும் பாலையே விரும்பி உட்கொள்வாள். இருவரும் piano வாசிக்கும் பொழுது Abigail வலது பக்கத்திலுள்ள பாகங்களையும் Brittany இடது பக்கத்திலுள்ள பாகங்களையும் வாசிப்பார்கள். அத்தோடு நில்லாமல் இவர்களால் வலைப்பந்து, bowling, சைக்கிளில் பிரயாணிப்பது, softball மற்றும் நீச்சலும் தெரிந்து வைத்துள்ளனர். இவர்களின் இவர்களின் இவ்வற்புதமான இணைந்த செயற்பாடுகள் மருத்துவர்களை திகைக்க வைத்தது.

 

இவர்கள் தமது பள்ளிக்காலத்தில் பரவலாகப் பேசப்படுபவர்களாக இருந்ததுடன் சகமாணவிகள் இவர்களுடன் சகஜமாகப் பழகினர். Brittany கூறும்பொழுது தாம் இருவரும் முழுமையாக வேறுபட்டவர்கள். உதாரணமாக இவர்களுடைய பாதணிகளின் நிறங்கள் கூட வேறு பட்டவையாக இருக்கும்.

 

மருத்துவ ஆய்வுகளின்படி 40,000 இரட்டையர்களில் ஒரு இரட்டையர்கள் இவ்வாறு ஏதாவது ஒருவிதத்தில் ஒட்டிப் பறப்பார்கள் என்றும் அவர்களில் ஒரு வீதமானவர்களே ஒரு வயதிலும் பார்க்க கூடுதலான ஆண்டுகள் வாழ்கின்றனர் என கூறப்படுகின்றது.

Abigail and Brittany  இன் பெற்றோர்கள் இருவரினது வெவ்வேறான எண்ணங்களுக்கு ஏற்ப அவர்களை சிறந்த முறையில் வளர்த்துள்ளனர். இவ்விணை இரட்டையர்களுக்கு ஒரு இளைய சகோதரனும் சகோதரியும் உள்ளனர்.